ປາຢ້າງ (ປາແຫ້ງ)

Last updated on May 17, 2026
(first published: May 17, 2026)
by Andy Souvanphakdy

ປາຢ້າງແຫ້ງ ໜຶ່ງໃນເມນູອາຫານທ້ອງຖິ່ນທີ່ປະຊາຊົນລາວລາວນິຍົມນຳມາເຮັດໄວ້ກິນ ເປັນເວລາດົນນານມາແລ້ວ ເຊິ່ງສາມາດນຳມາປຸງແຕ່ງອາຫານໄດ້ຫຼາຍຢ່າງເຊັ່ນ: ປີ້ງ, ເອາະ, ແກງ ຫຼື ແຈ່ວ ເປັນຕົ້ນ

ສ່ວນປະສົມ

ປາ ຊະນິດໃດກໍໄດ້ 10 ໂຕ
ເກືອ 1/2 ບ່ວງຊາ
ຫົວຜັກທຽມ 1 ຫົວ
ນໍ້າຕານ 1/2 ບ່ວງຊາ

ວິທີປຸງແຕ່ງ

ນຳປາມາຄົວ ແລະ ລ້າງໃຫ້ສະອາດ
ທຸບ ຫຼື ຕຳກະທຽມໃຫ້ມຸ່ນ
ນຳເກືອ, ນໍ້າຕານ ກະທຽມ ແລະ ປາ ມາຄົນໃສ່ກັນໃຫ້ທົ່ວ ແລ້ວ ນຳໄປຕາກແດດກ້າ ປະມານ 1 ມື້
ຫຼັງຕາກແດດແຫ້ງແລ້ວ ກໍນຳມາຢ້າງໄຟ ໂດຍໃຊ້ເຕົາຖ່ານ ແລະ ໃຊ້ໄຟອ່ອນ ເພື່ອໃຫ້ຊີ້ນມາສຸກເຫຼືອງ
ຫຼັງຈາກຢ້າງໄຟຈົນຊີ້ນປາເຫຼືອງແຫ້ງດີແລ້ວ ກໍສາມາດນຳມາປະກອບອາຫານໄດ້ ຫຼື ຈະເກັບໃສ່ຖົງຢ່າງ ໄວ້ໃນຕູ້ເຢັນກໍໄດ້