ແຈ່ວເຫັດຫວາຍ

ສ່ວນປະສົມ

• ເຫັດຫວາຍ 5 ດອກ
• ໝາກເຜັດ 8 ໜ່ວຍ
• ຫອມບົ່ວໃບ 5 ຕົ້ນ
• ເກືອ ½ ບ່ວງຊາ

Phakhaolao.la

ວິທີປຸງແຕ່ງ

• ນຳເຫັດມາລ້າງນ້ຳໃຫ້ສະອາດ
• ຈີ່ເຫັດ, ໝາກເຜັດ ແລະ ຫອມບົ່ວໃບ ໃຫ້ສຸກ (ສຳລັບການຈີ່ເຫັດ ໃຊ້ເວລາຄ່ອນຂ້າງດົນ ປະມານ 10-20 ນາທີ)
• ຊອຍ ຫຼື ຈີກເຫັດໃຫ້ເປັນຕ່ອນນ້ອຍ ເພື່ອຄວາມສະດວກໃນເວລາຕຳ
• ໃສ່ເກືອ, ໝາກເຜັດ ແລະ ເຫັດຈີ່ລົງໃນຄົກ ຕຳໃຫ້ເຂົ້າກັນ ຫຼື ຈົນກ່ວາເຫັດຈະມຸ່ນ
• ໃສ່ຫອມບົ່ວໃບ ແລ້ວຕຳອີກເທື່ອໜຶ່ງ
• ຊິມ ແລະ ເພີ່ມເຄື່ອງປຸງຕາມຕ້ອງການ
• ຕັກໃສ່ຖ້ວຍພ້ອມຮັບປະທານກັບເຂົ້າໜຽວນື້ງສຸກອຸ່ນໆ