ຕໍາເຂົ້າປຸ້ນ
ວັດຖຸດິບ
- ເຂົ້າປຸ້ນ 1-2 ຫົວ
- ໝາກເຜັດແຫ້ງ 3-5 ໜ່ວຍ
- ເຜັດດິບ 2-3 ໜ່ວຍ
- ກະທຽມ 2 ກີບ
- ໝາກນາວ ຕາມມັກ
- ນ້ຳປາ 1 ບ່ວງຊາ
- ນ້ຳຕານເລັກໜ້ອຍ
- ຜົງປຸງລົດ 1 ບ່ວງຊາ
- ປາແດກ 1 ບ່ວງແກງ (ຖ້າມັກ)
- ໝາກເລັ່ນນ້ອຍ 1-2 ນ່ວຍ
- ໝາກກອກ 1 ໜ່ວຍ
ວິທີເຮັດ
- ໃສ່ ໝາກເຜັດແຫ້ງ, ເຜັດດິບ, ກະທຽມ ລົງຄົກ ແລ້ວຕໍາໃຫ້ແຫຼກ.
- ໃສ່ໝາກກອກ, ໝາກເລັ່ນ ຕໍາພໍແຕກ.
- ປຸງດ້ວຍ ປາແດກ, ນ້ຳປາ, ນ້ຳໝາກນາວ ແລະ ນ້ຳຕານ.
- ໃສ່ ເຂົ້າປຸ້ນ ລົງໄປ ແລ້ວຕໍາຄົນໃຫ້ເຄື່ອງປຸງເຂົ້າທົ່ວເສັ້ນ.
- ຊີມໃຫ້ໄດ້ລົດ ທີ່ຕ້ອງການ.
- ຕັກໃສ່ຈານ ແລະ ກິນຄູ່ກັບຜັກສົດ.
ເຄັດລັບ: ຢ່າຕໍາເຂົ້າປຸ້ນແຮງເກີນໄປ ເພາະເສັ້ນຈະຂາດ. ຕໍາເບົາໆ ແລະ ຄົນໃຫ້ເຄື່ອງປຸງເຂົ້າກັນຈະແຊບກວ່າ.
