ວິທີການເຮັດຢໍ່ໝູ

ການເຮັດໝູຢໍ່

ສ່ວນປະກອບ

• ຊີ້ນໝູ   1,5 kg
• ມັນໝູ   0,45 kg
• ແປ້ງນົວ  15 g
• ນໍ້າຕານຊາຍ  15 g
• ເກືອ  10 g
• ນໍ້າປາ  15 g
• ພິກໄທ  10 g
• ແປ້ງກອບ  50 g
• ແປ້ງໜຽວ 10 g
• ນໍ້າກ້ອນ 450 g
• ແປ້ງເຂົ້າຈ້າວ 150 g
• ໃບຕອງ  2 kg

ວິທີປະຕິບັດ:

ເອົາຊີ້ນໝູບົດມາປະສົມກັບນໍ້າຕານ, ເກືອ, ພິກໄທປິ່ນ ແລະ ໃສ່ແປ້ງມັນເທື່ອລະໜ້ອຍໂຮມລົງຈົນໜຽວ ແລະ ເປັນເນື້ອດຽວກັນຫັ່ນ ມັນໝູແຂງໃຫ້ເປັນຕ່ອນສີ່ຫລ່ຽມນ້ອຍໆປະສົມລົງກັບຊີ້ນໝູແລ້ວຄົນໃຫ້ ເຂົ້າກັນດີ. ເອົາໃບຕອງມາລົນໄຟອ່ອນໆ, ເຊັດໃຫ້ແຫ້ງ ແລະ ຕັດມີຂະໜາດກ້ວາງ 4 cm ຊ້ອນກັນ 3 ຊັ້ນ, ນໍາເອົາຊີ້ນໝູມາວາງໃບຕອງໃຫ້ມີລັກສະນະ ເປັນຮູບປະກອບ ຂະໜາດຂອງເສັ້ນສູນກາງ 1.5 cm ທໍ່ໃບຕອງປິດຫົວ ປິດທ້າຍໃຫ້ແໜ້ນໃຊ້ເຊືອກມັດແລ້ວນໍາໄປໜື່ງໃຫ້ສຸກປະມານ 1 ຊົ່ວໂມງ. ປະໄວ້ໃຫ້ເຢັນ ແລະ ສາມາດກິນໄດ້ ຫຼື ຈະເກັບໄວ້ໃນຕູ້ເຢັນເພື່ອໄວ້ກິນ ດົນ.

ຂໍ້ແນະນໍາ:

ຊີ້ນໝູຕ້ອງບົດໃຫ້ລະອຽດເພາະຈະເຮັດໃຫ້ໝູຢີ່ມີເນື້ອນຽນດີການ ຄັນ ຫຼື ການນວດຈະຕ້ອງໃຊ້ເວລາຫລາຍ, ຄວນໃຊ້ເຄື່ອງປະສົມອາຫານ ຕີ ແລະ ໃຊ້ເວລາປະມານ 15 ນາທີດ້ວຍຄວາມໄວປານກາງ

ປັດໄຈຕົ້ນຕໍ

• ສິ່ງທີ່ຄວນເອົາໃຈໃສ່  

ຊີ້ນໝູຕ້ອງບົດໃຫ້ລະອຽດເພື່ອຈະເຮັດໃຫ້ໝູຍໍ່ມີເນື້ອນຽນດີ

ການຄັ້ນ ຫລື ການນວດແມ່ນໃຊ້ເວລາຫລາຍ, ຄວນໃຊ້ ເຄື່ອງປະສົມອາຫານນວດ ແລະ ໃຊ້ເວລາປະມານ 15 ນາທີ ແລະ ຄວາມໄວປານກາງ

• ຂໍ້ຄວນລະວັງ

ຕ້ອງເປັນຊີ້ນໝູສົດ ເປັນຊີ້ນສັນໃນ ຫຼື ສະໂພກ