ວິທີເຮັດຂົ້ວເຄື່ອງໃນໄກ່ໃສ່ໃບຂີ້ຫູດ ແບບຫອມໆ ເຜັດກຳລັງດີ.
ສ່ວນປະກອບ
- ເຄື່ອງໃນໄກ່ 500 ກຣາມ
- ໃບຂີ້ຫູດ 5-8 ໃບ
- ຫອມບົ່ວ 2 ຫົວ
- ກະທຽມ 4-5 ກີບ
- ໝາກເຜັດ 5-10 ໜ່ວຍ ຕາມມັກ
- ນ້ຳມັນ 2 ບ່ວງແກງ
- ເກືອ ເລັກໜ້ອຍ
- ຜົງປຸງລົດ 1/2 ບ່ວງຊາ
- ຊອດຫອຍ 1 ບ່ວງແກງ
- ນ້ຳ 2-3 ບ່ວງແກງ
ວິທີເຮັດ
- ລ້າງເຄື່ອງໃນໄກ່ໃຫ້ສະອາດ ແລ້ວຫັ່ນເປັນຕ່ອນພໍດີຄຳ. ຖ້າມີຕັບ ຄວນຫັ່ນໃຫຍ່ກວ່າສ່ວນອື່ນເລັກໜ້ອຍ ເພາະຕັບສຸກໄວ.
- ຊອຍຫອມບົ່ວ, ກະທຽມ, ໝາກເຜັດ. ສ່ວນໃບຂີ້ຫູດໃຫ້ຊອຍເປັນເສັ້ນບາງໆ.
- ຕັ້ງໝໍ້ໃສ່ນ້ຳມັນ ແລ້ວຂົ້ວກະທຽມ, ໝາກເຜັດ ແລະ ຜັກບົ່ວ ຈົນຫອມ.
- ໃສ່ເຄື່ອງໃນໄກ່ທີ່ກຽມໄວ້ນັ້ນລົງໄປ ແລ້ວຂົ້ວໃຫ້ສຸກ. ໃສ່ຊອດຫອຍ, ເກືອ ແລະ ຜົງປຸງລົດ. ຖ້າແຫ້ງເກີນໄປ ໃຫ້ເຕີມນ້ຳໜ້ອຍໜຶ່ງ.
- ເມື່ອເຄື່ອງໃນໃກ້ສຸກ ໃຫ້ໃສ່ໃບຂີ້ຫູດຊອຍລົງໄປ ແລ້ວຂົ້ວຕໍ່ອີກປະມານ 1–2 ນາທີ. ຢ່າຂົ້ວດົນເກີນໄປ ເພາະກິ່ນຫອມຂອງໃບຂີ້ຫູດຈະໝົດ.
- ຊິມໃຫ້ໄດ້ລົດຕາມທີ່ຕ້ອງການ. ກິນກັບເຂົ້າໜຽວຮ້ອນໆ.
